لاہور: لاہور پولیس نے اتوار کے روز مختلف الزامات میں 11 ملزمان میں سے 4 اشتہاری ملزمان کو گرفتار کر لیا۔ ساندہ انویسٹی گیشن پولیس نے بجلی چوری، خواتین پر تشدد اور بوگس چیکوں میں ملوث 4 اشتہاری ملزمان کو گرفتار کر لیا۔
ملزمان کی شناخت اویس، علی احمد، اعظم اور احمد رضا کے نام سے ہوئی ہے۔ باغبانپورہ انویسٹی گیشن پولیس نے تین ڈاکو زوہیب، علی عرفان اور طلحہ کو گرفتار کرکے اسلحہ برآمد کرلیا۔ برکی پولیس نے پتنگ فروش عنبر عرف چمن کو گرفتار کر کے اس کے قبضے سے ایک ہزار پتنگیں اور ڈور برآمد کر لی۔
ڈیفنس سی پولیس نے تین منشیات فروشوں عمران، شہباز عرف باجا اور رضوان کو گرفتار کر کے ان سے 4.27 کلو گرام چرس برآمد کر لی۔ پولیس نے 15 سالہ شیراز اور اقرا کو بھی ان کے والدین سے ملا دیا۔
