آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں کمی کی تجویز دی ہے جس کے تحت پیٹرول کی قیمت میں 10 روپے فی لیٹر تک کمی ہوسکتی ہے۔
ایکسپریس نیوز کے مطابق پیٹرول کی قیمت میں 7 سے 10 روپے فی لیٹر جبکہ ڈیزل کی قیمت میں 8 روپے فی لیٹر تک کمی کی تجویز ہے۔
اوگرا نے پیٹرولیم مصنوعات کی قیمتوں میں کمی کی سمری حکومت کو ارسال کردی۔
مزید پڑھ: مزید ایرانی ایندھن پاکستان اسمگل کیا جا رہا ہے: پی پی ڈی اے
وزیر خزانہ سفارشات پر وزیراعظم سے مشاورت کریں گے جب کہ پیٹرولیم مصنوعات کی قیمتوں کا حتمی فیصلہ پیر کو کیا جائے گا۔
آئندہ 15 روز کے لیے پیٹرولیم مصنوعات کی نئی قیمتوں کا اطلاق 15 مئی کی نصف شب کے بعد ہوگا۔
واضح رہے کہ گزشتہ 14 دنوں میں برینٹ آئل مارکیٹ میں خام تیل کی قیمت 77.44 ڈالر فی بیرل تک پہنچ گئی تھی۔
