8

امیتابھ کی اہلیہ جیا بچن پاپارازی گروپ پر برس پڑیں، ویڈیو وائرل

اندور: بالی وڈ کے لیجنڈری اداکار امیتابھ بچن کی اہلیہ جیا بچن پاپارازی گروپ پر برس پڑیں جس کی ویڈیو سوشل میڈیا پر وائرل ہوگئی۔

اندور کے ائرپورٹ پر یہ واقعہ پیش آیا جہاں اداکارہ جیا بچن اپنے شوہر امیتابھ بچن کے ساتھ پہنچی تھیں۔

ویڈیو میں دیکھا جاسکتا ہے کہ وہ پاپارازی گروپ کو فوٹو کھینچنے سے منع کرتی ہیں اور ناراض ہوجاتی ہیں۔

اس موقع پر جیا بچن کو یہ کہتے ہوئے سنا جاسکتا ہے کہ ’ایسے لوگوں کو نوکری سے نکال دینا چاہئے‘۔

سیکورٹی پر موجود افراد بھی فوٹوگرافروں کو تصاویر نہ کھینچنے کا کہتے ہیں اور انہیں دھکیل کر دور کردیتے ہیں۔

یہ پہلا موقع نہیں ہے جب جیا بچن پاپارازی گروپ پر ناراض ہوئی ہیں، پچھلے برس بھی انہوں نے فوٹو کھینچنے والوں کو کھری کھری سنائی تھیں۔

جیا بچن اپنے اگلے پروجیکٹ میں کرن جوہر کی فلم ’روکی اور رانی کی پریم کہانی‘ میں نظر آئیں گی۔





Source link

اس خبر پر اپنی رائے کا اظہار کریں

اپنا تبصرہ بھیجیں